Kompania Brunes ka dhuruar 100 mijë euro për të prekurit e tërmetit të 26 nëntorit. Ka qenë vetë presidenti i kësaj kompanie Geront Çela i cili ka dhënë lajmin, në koncertin e bamirësisë “Ti nuk do të jesh kurrë vetëm” ku morën pjesë edhe kryeministri, Edi Rama i shoqëruar nga presidenti i Serbisë, Aleksandër Vuçiç.
Po ashtu kompania Dekoll është zotuar të rikonstruktojë shtëpitë e 60 punonjësve të saj, të cilat pësuan dëme nga tërmeti.
Shqipëria u përball me 26 nëntor me një nga fatkeqësitë më të mëdha natyrore prej afro gjysmë shekulli.
Humbën jetën 51 qytetarë, mbetën mijëra të pastrehë nga dëmtimi i 8 mijë pallateve dhe banesave në tre qarqe, Tiranë, Durrës dhe Lezhë. Shkalla e dëmit mendohet të jetë disa qindra milion euro./ Opinion.al
