U mbajt në Bruksel takimi i parë për liberalizimin e tregut rrugor në Ballkanin Perëndimor.
Përfaqësues nga Ministria e Infrastrukturës dhe Energjisë, Drejtoria e Përgjithshme e Shërbimeve të Transportit Rrugor dhe ANALTIR morën pjesë në takimin e parë rajonal të organizuar nga CEFTA, në Bruksel, ku u diskutua për hapjen dhe integrimin e tregut të transportit rrugor në rajon.
Ky takim shënon një hap të rëndësishëm drejt eliminimit të barrierave, harmonizimit të praktikave mes vendeve dhe përgatitjes për integrimin evropian.
DPSHTRR riafirmon angazhimin për bashkëpunim të ngushtë me partnerët rajonalë, në funksion të një tregu më efikas, të hapur dhe të qëndrueshëm për transportin rrugor.
