Armando Broja luajti titullar mbrëmjen e së martës në ndeshjen e Kupës së Ligës angleze ndaj Cardiff, por nuk la shenjë në përballjen ku Burnley u mund 2-1 dhe u eliminua nga turneu.
Skuadra e sulmuesit shqiptar pësoi dy gola që në pjesën e parë nga ekipi i kategorisë së tretë, ndërsa Broja shpërdoroi një mundësi të mirë për të barazuar rezultatin.
Broja u zëvendësua në minutat e fundit të sfidës, duke humbur një shans të artë për të bindur trajnerin që ta aktivizojë titullar edhe në kampionat, aty ku ka luajtur me pikatore.
