Kryeministrja e Serbisë, Ana Brnabiq, deklaroi se në zgjedhjet e 17 dhjetorit, në Komisionin Republikan të Zgjedhjeve ka pasur 109 kundërshtime dhe 3 ankesa më pak se në zgjedhjet e prillit 2022.
Brnabiq ka deklaruar në Pink TV se për zgjedhjet e Beogradit ka pasur vetëm një ankesë në Komisionin Zgjedhor të Qytetit.
Ajo thekson se opozita nuk ka asgjë për t’u ankuar dhe se ajo “po ashtu” ka kërkuar anulimin e të gjitha zgjedhjeve.
Duke folur për votimin e 40 mijë personave nga Republika Srpska, ajo tha se ata nuk janë në listën zgjedhore dhe se është e pamundur që ata të votojnë.
“Kemi dhënë informacione se atë ditë kufirin ndërmjet Bosnjë-Hercegovinës dhe Serbisë kanë kaluar 20,360 persona, një numër i konsiderueshëm i të cilëve nuk kanë nënshtetësi serbe, por edhe një numër i konsiderueshëm i fëmijëve”, tha ajo.
Ajo shtoi se tani po nxjerrin të dhënat përfundimtare se sa njerëz nga Bosnja dhe Hercegovina dhe Republika Srpska kanë të drejtën e votës dhe sa prej tyre kanë votuar.
Brnabiç tha gjithashtu se vëzhguesit nga Evropa, Stefan Šenach dhe Andeas Šider, po gënjejnë dhe po destabilizojnë Serbinë me deklaratat e tyre për zgjedhjet, edhe pse nuk kanë komente në procesverbalet për vendvotimet.
