Kryeministrja serbe, Ana Brnabiç ka shfrytëzuar takimin e Durrësit për të paralajmëruar Maqedoninë për të mos votuar në favor të Kosovës në UNESCO.
Brnabiç ka biseduar me homologun maqedonas, Zoran Zaev, të cilit i ka kujtuar lidhjet e fuqishme që vendi i tij ka me Serbinë dhe se vota në nëntor në UNESCO do të jetë një sinjal i qartë.
“Për Maqedoninë është shumë e rëndësishme miqësia me Serbinë dhe se kjo do të jetë një sinjal i miqësisë dhe lidhjeve më të fuqishme me Serbinë, prandaj pres që kjo çështje mos të hapet”, ka thënë kryeministrja serbe.
Prishtina po bëhet gati për të aplikuar sërish në UNESCO, pas dështimit dy vite më parë kur anëtarësimi nuk u arrit për vetëm tre vota. Në 2015-ën, Shkupi votoi në favor të Kosovës duke nxitur reagime të ashpra në Beograd.
