Qeveria e Republikës së Serbisë ka mohuar shkrimet e disa mediave rajonale dhe vendase, të cilat raportojnë se kryeministrja Ana Brnabiç ka refuzuar të bëjë një foto me liderët e tjerë, gjatë pjesëmarrjes në samitin e Procesit të Berlinit në Tiranë.
Përmes një deklarate, qeveria serbe thotë se kryeministrja Ana Brnabiç mori pjesë në foton familjare me liderët evropianë dhe rajonalë në Tiranë.
Mediat serbe shkruajnë se me këtë reagim Serbia edhe një herë tregoi se nuk udhëheq politikë izolimi, por se është e orientuar drejt bashkëpunimit dhe zgjidhjes së të gjitha çështjeve të hapura përmes dialogut.
Ndër të tjera, qeveria serbe thekson se vendosja e gënjeshtrave të tilla në publik dëmton edhe reputacionin e Republikës së Serbisë dhe përfitojnë vetëm ata që nuk ia dëshirojnë këtë gjë vendin të tyre.
“Qeveria e Republikës së Serbisë është e detyruar të mohojë shkrimet e disa mediave rajonale dhe vendase, të cilat raportojnë se kryeministrja Ana Brnabiç ka refuzuar të bëjë një foto me liderët e tjerë gjatë pjesëmarrjes në samitin e Procesit të Berlinit në Tiranë. Gjegjësisht, kryeministrja Ana Brnabiç mori pjesë në një fotosesion të përbashkët të të gjithë liderëve evropianë dhe rajonalë në Tiranë, siç mund ta shihni në fotot e bashkangjitura.
Me këtë Serbia edhe një herë tregoi se nuk udhëheq asnjë politikë izolimi, por se është e orientuar drejt bashkëpunimit dhe zgjidhjes së të gjitha çështjeve të hapura përmes dialogut.Vendosja e gënjeshtrave të tilla në publik dëmton edhe reputacionin e Republikës së Serbisë dhe përfitojnë vetëm ata që nuk ia dëshirojnë të mirën vendit tonë.
Pa synuar të hyjmë në arsyet e përhapjes së lajmeve të rreme, theksojmë edhe një herë se Republika e Serbisë, me vetë qëndrimin e kryeministrit në Tiranë dhe bisedimet e saj me liderët evropianë, ka konfirmuar se është e përkushtuar në mënyrë të përhershme ndaj politikës së integrimin, bashkëpunimin dhe lidhjet rajonale”, thuhet në deklaratën e qeverisë serbe./Opinion.al
