Britania e Madhe, po mobilizohet për ndonjë sulm të mundshëm terrorist. Niveli i kërcënimit nga terrorizmi është rritur në “kritik” ka thënë ministrja e Brendshme britanike, Priti Patel.
“Publiku britanik duhet të jetë vigjilent por jo i alarmuar”, tha zonja Patel, pasi konfirmoi se tani do të ketë “polici më të dukshme në të gjithë vendin”.
Vendimi për të rritur nivelin e kërcënimit të Mbretërisë së Bashkuar është marrë nga Qendra e Përbashkët e Analizës së Terrorizmit (JTAC). JTAC është e vendosur në Londër dhe përbëhet nga ekspertë të anti-terrorit nga policia, qeveria dhe agjencitë e sigurisë.
Sipas sistemit qeveritar të klasifikimit, niveli i ri nënkupton që është shumë e mundshme që ndonjë sulm të ndodhë.
Kjo masë nga ana e autoriteteve britanike vjen pas sulmit terrorist që goditi Vjenën mbrëmjen e djeshme, duke lënë katër persona të vdekur, ndërsa policia eliminoi autorin.
Sulmi në Vjenë ndodhi një javë pas atij në Paris, ku u vranë tre persona pranë një kishe në Nicë./ Opinion.al
