Kryeministri britanik, Boris Johnson ka bërë të ditura synimet e tij për marrëveshje tregtare me Bashkimin Evropian, duke thënë se shteti që ai udhëheq, “nuk ka nevojë” të ndjekë rregullat e Brukselit.
Johnson ka bërë thirrje për marrëveshje për tregti të lirë të stilit të Kandasë, ndërsa shefi negociator i BE-së për këtë çështje, Michel Barnier e ka konsideruar këtë ofertë si “ambicioze”.
Sipas marrëveshjes tregtare BE-Kanada, shumica e tarifave në importe janë eliminuar ndonëse ende ekzistojnë kontrollet doganore.
Johnson ka bërë po ashtu me dije se mund t’i drejtohet Organizatës Botërore të Tregtisë, nëse shefi i BE-së nuk nënshkruan marrëveshjen sipas stilit të Kanadasë.
Ndërkaq, bisedimet për tregti në mes të Britanisë dhe BE-së pritet të nisin në muajin mars derisa qasja e bllokut evropian ndaj negociatave duhet të miratohet nga të gjitha vendet anëtare.
Mbretëria e Bashkuar është larguar zyrtarisht nga BE-ja të premten në orën 23:00. Vendi ka hyrë tashmë në periudhë tranzitore, e cila përfudndon në dhjetor të këtij viti./Opinion.al
