Britania i bashkohet Francës për të bombarduar ISIS

Francës i shtohet një tjetër fuqi e madhe, që është gati të kryejë bombardime bashkë me të kundër Shtetit Islamik. Kryeministri britanik, David Cameron, tha gjatë një konference të përbashkët për shtyp me presidentin francez Francois Hollande, se Britania e Madhe është gati t’i bashkohet aksioneve për bombardimin e Shtetit Islamik, bashkë me Francën dhe partnerët e tjerë. “Këtë javë do të prezantoj në parlament strategjinë tonë për të përballuar ISIS”, ka thënë ai. Cameron ndërkohë u shpreh se shërbimi inteligjent britanik do të bashkëpunojë me atë të Francës. Ai tha gjithashtu, se Britania do të vërë në dispozicion të Francës bazën ushtarake në Qipro, për të forcuar luftën kundër ISIS. Cameron dhe Hollande ndërkohë kanë kryer homazhe në Bataclan, ku ndodhi sulmi tragjik të premten e shkuar.