Mijëra pushues mund të kenë anuluar planet e tyre, pas vendimit të ri të Mbretërisë së Bashkuar për vendosje të Francës në listën e vendeve të karantinës nga dita e shtunë.
Në vendim është thënë se udhëtarët që kthehen nga Franca, Holanda, Monako, Malta dhe disa vende tjera, duhet t’i nënshtrohen karantinës 14-ditore.
Nga ana e saj, Franca ka paralajmëruar se do marrë “masa reciproke”.
Ky vendim i Britanisë vjen pasi kryeministri francez, Jean Castex, u shpreh se numri i të infektuarve është duke shkuar “ në drejtim të gabuar”.
Të enjen, Franca ka raportuar për 2,524 raste të reja me koronavirus në 24 orë, njëherësh shifrën më të lartë prej lehtësimit të masave të kufizimit në muajin maj.
Linjat ajrore në Mbretërinë e Bashkuar e kanë përshkruar këtë vendim “si veprim shkatërrues ndaj industrisë së udhëtimit e cila edhe ashtu është duke u përballur me krizën më të keqe në historinë e saj”./Opinion.al
