Ekspertët në Britaninë e Madhe kanë rekomanduar që për të gjithë azilkërkuesit, të cilët pretendojnë se janë fëmijë, t’i nënshtrohen testeve mjekësore në kockat dhe dhëmbët e tyre për të përcaktuar moshën e saktë.
Një raport për Home Office rekomandon që në rastet kur mosha e një refugjati është e diskutueshme, ata duhet të përballen me rrezet X dhe skanime.
Testet mund të bëhen funksionale brenda një viti. Por ka të ngjarë ta vendosë qeverinë edhe më fort në një kurs përplasjeje me sindikatat mjekësore, ndërsa nga ana tjetër Sekretarja e Brendshme Suella Braverman ka folur më parë për vendosmërinë e saj për të sjellë metoda të reja./Opinion.al
