Mbretëria e Bashkuar ka njoftuar disa sanksione të reja kundër Rusisë, bëri të ditur në një deklaratë Ministria e Jashtme Britanike.
Paketa e pestë e sanksioneve të Britanisë ndaj Moskës për luftën në Ukrainë përfshin një ngrirje të plotë të aseteve në bankën më të madhe ruse, Sberbank, dhe Bankën e Kreditit të Moskës, si dhe një ndalim të investimeve të reja britanike në Rusi, me vlerë mbi 14 miliardë dollarë në 2020, thuhet në deklaratë.
Britania do t’i japë fund të gjithë varësisë së saj nga qymyri dhe nafta ruse deri në fund të vitit 2022 dhe do t’i japë fund importeve të gazit “sa më shpejt të jetë e mundur pas kësaj”, si dhe eksportet e pajisjeve dhe katalizatorëve të naftës dhe importet e produkteve të hekurit dhe çelikut, shtoi ai.
“Kjo do të jetë një tjetër goditje e madhe për ekonominë ruse dhe do të kufizojë më tej aftësitë e tyre në të ardhmen”,-tha qeveria britanike në deklaratë.
Mbretëria e Bashkuar gjithashtu sanksionoi tetë oligarkë të tjerë rusë, të cilët presidenti rus Vladimir Putin “i përdor për të mbështetur ekonominë e tij të luftës”,-thuhet në deklaratë.
“Vala jonë e fundit e masave do t’i japë fund importeve të MB të energjisë ruse dhe do të sanksionojë akoma më shumë individë dhe biznese, duke shkatërruar makinën luftarake të Putinit,”-tha Sekretarja e Jashtme britanike Liz Truss, duke i quajtur sanksionet e reja si “më të ashprat” deri më tani.
“Së bashku me aleatët tanë, ne po i tregojmë elitës ruse se ata nuk mund të lajnë duart nga mizoritë e kryera me urdhër të Putinit. Ne nuk do të pushojmë derisa Ukraina të fitojë,”-shtoi ajo. /Opinion.al
