Ditën e sotme Britania e Madhe ka nisur vaksinimin kundër COVID-19. Ka qenë një 90-vjeçare, nga Irlanda e Veriut, që mori e para vaksinën e Pfizer dhe Biontech.
Sipas protokollit të Britanisë, të parët që do të marrin vaksinën do të jenë personat mbi moshën 80-vjeçare dhe një pjesë e stafit shëndetësor.
90-vjeçarja Margareth Keenan mori injeksionin në 6:31 të orës lokale, i pari nga 800 mijë të tillë që do të jepen gjatë javëve në vazhdim, ndërsa deri në 4 milionë doza të tjera priten deri në fund të muaji.
Qeveria ka porositur 40 milionë doza në total, mjaftueshëm për të vaksinuar 20 milionë njerëz, por pjesa më e madhe pritet të jetë e disponueshme vitin e ardhshëm.
Pas saj 90-vjeçares, vaksinën e mori një i moshuar, që quhej Ëilliam Sheakespear, i cili përveçse emrin ndan me shkrimtarin e famshëm britanik edhe vendlindjen e tij, Ëarëickshire.
Britania e Madhe u bë vendi i parë në botë që i dha dritën jeshile vaksinës së Pfizer dhe Biontech javën e kaluar. Vaksinimi nuk është i detyrueshëm./ Opinion.al
