Disa shkencëtarë kanë gjetur gjurmë të drogave si kokaina dhe ketamina në karkaleca dhe peshq të ujërave të ëmbla, në lumenjtë e fshatrave të Suffolkut në Britani, teksa kërkonin të zbulonin kimikatet e ndryshme që gjenden në ujëra.
Ata thanë se gjetën kokainë dhe prodhime të tjera farmaceutike tek karkalecat.
“Shfaqja e drogës tek gjallesat e egra ujore ishte e habitshme. Mund të presim t’i shohim këto në zonat urbane si Londra, por jo në zonat më të vogla dhe më rurale. Në të gjitha mostrat që bëmë, gjetëm kokainë dhe drogëra të tjera, si lidocaina.”, tha doktor Barron, një nga kërkuesit.
Lidocaina përdoret ligjërisht si një anestezik lokal në stomatologji, por shpesh përdoret për të “prerë” kokainën, pasi ajo prodhon mpirje të mishit. Kjo substancë mashtron përdoruesit, duke menduar që po marrin kokainë sepse në fakt ka një efekt të ngjashëm./Opinion.al
