Një ngjarje tragjike ka ndodhur në rrugën “The Loaning” të Motherwellit në Britaninë e Madhe, ku një 12 vjeçare u përplas për vdekje shumë pranë shtëpisë nga një makinë, ku pasagjer ishte babai i saj.
Sipas “The Sun” Abbie McLaren u përplas nga makina, pak pasi zbriti nga një autobus, ndërsa babai i saj zemërthyer ka pësuar një traumë ta rëndë. John McLaren doli me vrap nga makina pas përplasjes dhe vrapoi tek viktima për ta ndihmuar, përpara se ta kuptonte se ajo ishte e bija.
“Ai mbeti plotësisht i ngrirë, nuk mund të lëvizte ose të thoshte diçka”, tha një dëshmitar për mediat britanike.
Policia tha se zoti McLaren ishte në makinë me një mikun e tij, i cili është arrestuar për tejkalim të normave të lejuara të shpejtësisë me pasojë vdekjen./E.M
