Brisida Shehaj moral tatimorëve: Edhe unë punoj me rrogë të ulët

TIRANË- Drejtoresha e Tatimeve, Brisida Shehaj teksa fliste për shifrat e aksionit kundër informalitetit tha se ua ka bërë të qartë tatimorëve se duhet të punojnë vetëm për rrogën, nuk ka “bakshishe”. Ajo solli edhe shembullin personal duke thene se kishte lënë një punë me pagë më të lartë për tu bërë drejtoreshë Tatimesh. “Inspektorëve ua kemi bërë të qartë nëse duan të bëjnë këtë punë në rregull, në të kundërt le të ikin, me zor nuk i mbajmë. Edhe mua nuk më mori njeri me zor këtu, por erdha këtu, bëj këtë punë se dua ta bëj. Madje atje ku isha, paguhesha 3-fishin e rrogës që marr këtu”, kështu u shpreh drejtoresha e përgjtihshme e Tatimeve Brisida Shehaj, gjatë bashkëbisedimit me gazetarët në fund të konferencës.