Drejtoresha e larguar e Tatimeve, Briseida Shehaj, ka reaguar për largimin e saj nga posti i lartë që mbante prej tre vitesh. Në një prononcim për i gazetën ‘Panorama’ ajo është shprehur “se komunikimi i është bërë nga Kryeministri Edi Rama gjatë ditës së djeshme”. Ajo tha se e ka mirëpritur detyrën e re si zv.ministre e Ekonomisë.
Ndërsa për punën në Tatime, Shehaj u shpreh se gjatë 3 muajve të fundit të ardhurat u rritën me 3 miliardë lekë, duke lënë të kuptohet se nuk është larguar për performance te ulët.
Megjithëatë ajo deklaroi se puna në Tatime nuk është individuale por në ekip, ndaj edhe meritat apo disfatat janë të përbashkëta, la të kuptohej Shehaj.
