Kryeministrja britanike Theresa May, do të takohet me kancelaren gjermane Angela Merkel dhe presidentin francez Emmanuel Macron ditën e sotme për të diskutuar për Brexit. Në fokus të takimit do të jetë kërkesa e Londrës për shtyrjen e afatit deri më 30 Qershor.
Në krahun tjetër ministrat e May po mbajnë bisedime me opozitën në lidhje me krizën duke u përpjekur të thyejnë bllokimin në Londër. May ka nevojë për votat e opozitës në parlament për të arritur një marrëveshje, por kërkesat e opozitës përfshijnë mbajtjen e Britanisë në një bashkim doganor me BE, gjë që është e vështirë të pajtohet me kërkesën kryesore të May që Britania të ketë një politikë tregtare të pavarur.
Më shumë se një javë pasi Britania duhej të ishte larguar nga BE, May paralajmëroi britanikët se ka mundësi që Brexit të mos ndodhë kurrë pasi ajo po lufton për të marrë një “marrëveshje divorci” të ratifikuar nga një parlament britanik, i cili lidhur me këtë çështje duket thellësisht i ndarë./Opinion.al
