Votimi i ditës së premten në lidhje me marrëveshjen e Brexit, rezultoi përsëri një dështim për kryeministren britanike Theresa May.
Por, mesa duket kryeministrja ende nuk është dorëzuar. Sipas mediave britanike, May po planifikon të propozoj një votim për herë të katërt i cili do të vendos ndarjen përfundimtare të Britanisë së Madhe nga Bashkimi Europian.
Zvogëlimi i diferencës së votimit të premten, nga 203 vota në janar në 58, do të thotë sipas burimeve se po shkohet në drejtimin e duhur edhe pse BE e shkurtoi kohën e largimit nga 22 maji në 12 prill.
May të premten paralajmëroi se dështimi i votimit për Brexit do të kishte pasoja të rënda për Britaninë si në aspektin politik dhe ekonomik.
Ndërkohë, udhëheqësi i Laburistëve Jeremy Corbyn bëri thirrje që kryeministrja të japë dorëheqjen dhe të thërrasë zgjedhjet e parakohshme./ Opinion.al E.Xh.
