Pas një sërë dështimesh për gjetjen e një marrëveshje për Brexit, zëvendëspresidenti i Bankës Qendrore Europiane, Luis de Guindos, është shprehur se kjo situatë do të fusë tregjet financiare në krizë.
Sipas tij, dalja e Britanisë së Madhe pa marrëveshje nga Bashkimi Europian do të ketë ndikim të drejtë në tregjet kombëtare dhe se kjo gjë nuk duhet të neglizhohet.
“Tregjet nuk e kanë përllogaritur mundësinë e skenarit të një brexit pa marrëveshje. Kjo është diçka që ne nuk duhet ta neglizhojmë.
Madje, tregjet reagojnë ashpër kur ndodh ndonjëher diçka që nuk është skenari i parashikuar”, shtoi ky përgjegjës i BQE-së”,-paralajmëroi Luis de Guindos, zëvendëspresident i BQE-së, gjatë një audicioni para Parlamentit Europian.
Votimi i Brexit ka dështuar tre herë në Parlamentin Britanikë, pasi disa nga ligjvënësit nuk janë dakord me kushtet e ndarjes nga BE.
Ditën e premte dështoi votimi i tretë për Brexit, ndërsa disa deputet bëjnë fajtore për situatën kryeministren Theresa May-n, dhe për këtë arsye kanë kërkuar dorëheqjen e saj.
Por sipas mediave britanike, May nuk është dorëzuar ende, por po planifikon një votim të katërt në parlament, duke këmbëngulur për realizimin e marrëveshjes për Brexit para largimit nga BE/ Opinion.al E.Xh.
