Kryeministrja britanike Theresa May i ka bërë thirrje liderit të opozitës, Xheremi Korbin, për arritjen e një marrëveshje për Brexit.
Ajo është shprehur se partitë në Briatni nuk duhet të shikojnë dallimet politike dhe interesat e tyre kundrejtë një çështje të rëndësishme siç është Brexit.
Kryeministrja britanike është shprehur për mediat se qytetarët britanik shprehën vullnetin e tyre në vitin 2016, dhe se tani është detyra e politikës që të realizojnë këtë proces sa më shpejtë.
Konservatorët humbën mbi 1,300 këshilltarë në bashkitë e vendit, laburistët 80 të tillë, ndërsa më të fituarit dolën liberaldemokratët dhe të pavarurit me qëndrimet e tyre anti-Brexit.
“Prej 34 muajsh nuk kam reshtur së kërkuari mbështetje për një marrëveshje e cila besoj sinqerisht se, për herë të parë pas shumë dekadash, na rikthen kontrollin mbi kufijtë dhe financat tona. Tanimë nuk mund të ngremë supet dhe të themi që realizimi i Brexit është shumë i vështirë. Qytetarët janë shprehur në vitin 2016 dhe sërish në zgjedhjet e kësaj jave, ndaj duhet ta përmbushim vullnetin e tyre.”
May është shprehur se do të vijojë negociatat me laburistët, ndërsa theksoi se do të mund të arrijë një marrëveshje përsa i përketë rregullave doganore dhe ato tregtare mes Britanisë dhe BE-së, apo të drejtat e punonjësve përkatës./ Opinion.al E.Xh.
