Të tjera detaje janë zbardhur lidhur me ngjarjen e djeshme në Shkodër, ku u qëllua me armë zjarri në drejtim të një lokali.
Mësohet se lokali është në pronësi të 56-vjeçarit Tish Pali. Si pasojë e të shtënave ka patur vetëm dëme materiale.
Kush është Tish Pali
Tish Pali është një emër i njohur për policinë. Në 2 mars të vitit 2021 është arrestuar së bashku me 6 persona të tjerë, pasi policia e Shkodrës arriti të kapte 160 kg kanabis sativa.
Mes të arrestuarve ishte dhe efektivi Kujtim Çuni. Droga e sekuestruar po transportohej me një autoambulancë të qendrës spitalore të Vaut të Dejës, me drejtim Malin e Zi. Gjatë operacionit, policia arriti të sekuestronte edhe 2 armë automatike.
Vetëm 2 ditë më parë, në mbikalimin e Fushë-Krujës mbetën të vrarë 3 të rinj pas një atentati të mirë-organizuar mafioz. Brilant Martinaj, Diklen Vata dhe Besmir Hoxha u ekzekutuan me breshëri plumbash nga 4 persona, ende të paidentifikuar.
