Teksa një pjesë e vendit tonë vijon të përjetojë temperatura të larta, juglindja është përfshirë nga reshje të shumta shiu dhe breshëri.
Gjatë pasdites, Erseka dhe rrethinat janë përfshirë nga reshjet e dendura. Mësohet se zonat që më së shumti janë prekur nga breshëri janë ato pranë malit të Gramozit, në Rehovë Starje dhe Prodan.
Breshëri, sipas banorëve zgjati deri në 20 minuta, dhe ka shkaktuar dëme në drufrutorë.
Do të jenë grupet e punës të Drejtorisë së Bujqësisë që do të zbresin në terren ditën e hënë për të evidentuar dëmet.
