Janë publikuar pamje nga operacioni i zhvilluar në Spanjë kundër një rrjeti të trafikimit të kanabisit, pjesë më e madhe e të cilëve ishin shqiptarë.
Në pamjet e publikuara shfaqen “shtëpitë e barit” të ngritura në një kompleks industrial, ku thahej dhe kultivohej bima narkotike.
Po ashtu në video transmetohen momentet kur policia hyn në godinat dhe arreston personat e përfshirë në rrjetin kriminal, që shfaqen të ulur në karrige.
Në këtë operacion morën pjesë Polica Shqiptare, Spanjolle dhe Gjermane dhe u arrestuan 107 persona.
Mësohet gjithashtu se janë kryer kontrolle në 51 ambiente, nga të cilat 23 plantacione/shtëpi bari, dhe u asgjësuan rreth 25.000 bimë narkotike kanabis, u sekuestruan 938 kg boçe kanabisi, një detonator, dy armë zjarri, tri mjete luksoze, një bllokues valësh, si dhe 68.760 euro etj./Opinion.al
