Ikona e modës dhe ish-pjesëtarja e grupit të njohur ‘Spice Girl’, Victoria Beckham ka festuar 45-vjetorin e lindjes.
Ajo i ka nisur festimet që një ditë më parë në një restorant në Los Angelos me disa miq të saj. Victoria ka publikuar në rrjete sociale foto dhe video nga kjo darkë ku dukej mjaft e lumtur.
Festimet kanë vijuar edhe gjatë ditës së sotme ku Vic Beckham ka publikuar imazhe me familjen e saj nga mëngjesi i ditëlindjes.
Në postimet e saj shohim ish-futbollistin David Beckham si dhe fëmijët e tyre. Ajo që ka rënë në sy është edhe prania e të dashurës së djalit të madh Brooklyn, modelja Hana Cross.
“Dita më e bukur me njerëzit e mi më të preferuar në botë. Ju dua shumë puthje nga një bashkëshorte dhe nënë që e duan shumë,”-ka shkruar Victoria.
Gjithashtu ajo ka treguar edhe disa nga dhuratat simbolike që ka marrë nga fëmijët e saj dhe nga David./Opinion.al/
