Deputetja demokrate Majlinda Bregu shprehet se sëshpejti në kuvend do të dorëzohen disa amendamente ligjore që kanë për qëllim frenimin e dhunës ndaj grave dhe fëmijëve. Përmes një statusi në facebook, Bregu thotë se nisma parashikon përjashtim nga puna në institucionet shtetërore të të gjithë burrave që dënohen apo akuzohen për dhunë. Gjithashtu ajo thotë se masat ligjore (nëse miratohen) parashikojnë dekriminalizim për mësuesit.
Statusi i plotë i Majlinda Bregut në facebook
Para dy muajsh vendosëm sëbashku me Albana Vokshin dhe Mesila Dodën të bashkëpropozonim ndryshime në disa ligje që t’ ju heqim mundësinë kujtdo që ka abuzuar me gruan e fëmijët të punojne në të gjitha institucionet publike (arsim, shëndetesi, organet e rendit, institucione të sherbimit social, etj).
E përditshmja jone fatkeqësisht është plot me raste krimesh, dhune, lëndimi, fyerje ndaj grave dhe fëmijëve, por dhe po aq kriminale është papërgjegjshmëri institucionale dhe reagimi i mefshtë publik ndaj kësaj që ndodh.
Këto ndryshime që do të depozitohen këto ditë në Kuvend parashikojnë:
-ndryshimet në ligjin per dekriminalizimin; si subjekte te ligjit mesuesit dhe profesionistet e kujdesit social që punojne me fëmijët, PAK dhe moshën e trete.
-ndryshimet në ligjin për arsimin parauniversitar për futjen e testit psiko-social per mesuesit e arsimit parashkollor, fillor dhe te mesem.
-ndryshimi ne Kodin Penal per perjashtimin nga sherbimi i proves.
