Për deputeten demokrate Majlinda Bregu, e cila kohët e fundit ka shprehur publikisht kritikat për lidershipin e Lulzim Bashës në krye të PD, strukturat e partisë së saj në të gjithë Shqipërinë janë në situatë problematike.
Bregu ka deklaruar nga studio e Top Story se demokratë ka në të gjithë Shqipërinë, por degët e PD vuajnë një situatë kaotike.
“Partia Demokrate dhe demokratë ka në të gjithë Shqipërinë. Strukturat e PD janë në një situatë problematike dhe kjo ishte edhe në Dibër. Për fatin tonë të keq është në të gjitha zonat dhe degët e PD në të gjithë Shqipërinë. Ndoshta nuk do ishte kaq kaotike nëse zgjedhjet do kishin përfunduar brenda vitit të daljes në opozitë. Degët tona kanë tre vjet që shkojnë në zgjedhje të herë pas hershme. Grupet kanë krijuar një lloj dashakeqësie me njëri tjetrin”-tha Bregu.
