Zgjedhjet me standarde dhe jo “hi syve”duke manipuluar e kërcënuar me kriminele e para, e bëjnë Shqipërinë me Europiane jo me pak Europiane.
*
Më vjen mirë që Samiti i sotëm i Sarajevës për Vendet e Ballkanit Perëndimor ka bere fakt, përmes Deklaratës së Komisionerit Hahn, një ide të cilën e kam paraqitur në Shtator 2016, në Këshill të Stabilizim Asocimit në Bruksel: Krijimin e një Tregu të Përbashkët Rajonal, ku Komisioni Europian në konsultim me qeverinë, biznesin vendas, organizatat dhe donatorët ndërkombëtar, dhomat e tregtisë dhe të gjithë aktorët e tjerë relevantë të përgatisë një udhërrëfyes për përafrimin e legjislacionit të tregut të brendshëm, e shoqëruar me rivitalizimin e CEFTA-s, ( Marrëveshjes se Tregtisë se Lirë) me qëllim intensifikimin e reformave ekonomike, rritjen e besimit të biznesit dhe rritjen e Investimeve te Huaja direkte.
Mungesa e një qasje të koordinuar për të gjithë rajonin, përsa i përket përafrimit të legjislacionit të tregut të brendshëm, e ka bërë edhe Ballkanin Perëndimor të lëvizë me 6 shpejtësi të ndryshme drejt BE!
Por megjithëse kjo është e domosdoshme për të sjellë investime ne rajon, nëse nuk do shoqërohet me vendime te qarta për ta kthyer Ballkanin Perëndimor në një prioritet strategjik të gjeopolitikës së BE-se, nuk është e mjaftueshme.
Pak kush e di se Ballkani Perëndimor është prioritet i politikes se jashtme Ruse, por asnjëherë nuk ka qene prioritet strategjik i politikes se jashtme te BE-se.
Ndaj angazhimi i BE -se ne Ballkan nuk i del dot nëse mbetet në këto nivele, të ndalë degradimin e politikës në vendet tona.
Nuk arrin as të motivojë qeveritë̈ të jenë tërësisht pro europiane në reforma e të mos e humbasin fokusin me pazarin dhe marifetet politike.
Ky rajon ku kemi hisen për te jetuar, me shpejtësi të ndryshme e pavarësisht se me justifikime po aq laramane, jeton një vakum politik!
Dhe kjo edhe sepse BE është investuar për te ruajtur stabilitetin e vendeve tona, por standartet demokratike kane rrëshqitur drejt zhdukjes. Nuk është rastësore qe problemi kryesor ne vendet tona është sistemi politik e zgjedhjet.
Zgjedhjet me standarde dhe jo “hi syve”duke manipuluar e kërcënuar me kriminele e para, e bëjnë Shqipërinë me Europiane jo me pak Europiane.
E tensionuar është situata politike ne Kosove.
Zgjedhjet ne Maqedoni dhe mosrespektimi i Shqiptarëve, nuk po lejojnë krijimin e qeverisë.
Pas zgjedhjeve ne Mal te Zi, opozita nuk është ne parlament.
Republika Srpska ne Bosnje Hercegovina ka fituar një referendum për ndarje.
Zgjedhjet Presidenciale ne Serbi, janë një sfide me vete.
E sa here qe procesi i Integrimit Europian ne vendet tona, behet vije ndarëse për fitore a humbje politike, te paret humbasin qytetaret.
Janë ata qe ngelen peng i hajduteve me pushtet, i matrapazëve politike, i populistëve qe mashtrojnë ne prag fushatash e gënjejnë ne qeverisje.
Ndaj shpresoj qe vendet e Ballkanit Perëndimor të mos tërheqin vëmendje vetëm kur situatat bëhen të pamundura për t’u injoruar.
Ky është reagimi i deputetes demokrate Majlinda Bregu, dhe duket se propozimet e komisionerit Johannes Hahn përkojnë me ato të propozuara prej Bregut që në muajin shtator të vitit të kaluar në Bruksel.
