Kryesore

Brazili tre dite zije për Pele!



Bëhu pjesë e Grupit Zyrtar të Opinion.al
>> KËTU <<
               Publikuar në : 10:13 - 30/12/22 |
Opi Nion

Brazili shpalli tre ditë zie të enjten pas vdekjes së Pele. “Shpallet zi zyrtare në të gjithë vendin, një periudhë treditore në shenjë dhimbjeje për vdekjen e Edson Arantes do Nascimento, Pele, një ish-futbollist. Dekreti është nënshkruar nga presidenti në largim Jair Bolsonaro.

Bolsonaro shkroi në “Twitter” se Pele “përmes futbollit, ngriti lart emrin e Brazilit në botë. Ai e ktheu futbollin në art dhe gëzim. Zoti ngushëlloftë familjen tuaj dhe ju mirëpret në mëshirën e tij të pafund”.

Presidenti i sapozgjedhur Luiz Inacio Lula da Silva e përshkroi veten si një nga brazilianët e privilegjuar që ishin në gjendje të përjetonin “show” e Pele.

“Kur merrte topin bënte gjithmonë diçka të veçantë, e cila shpesh përfundonte në gol”, ka shkruar Lula në “Twitter”. “Pak brazilianë e ngritën emrin e vendit tonë aq sa ai,” tha ai, duke vënë në dukje se si njerëzit në mbarë globin mësuan të thonin “fjalën magjike: “Pele”.

Homazhet për Pelen do të nisin të hënën pasi trupi i tij të largohet nga Sao Paulo.

Ceremonia pritet të fillojë në orën 10:00 me orën lokale dhe do të jetë e hapur për publikun deri në orën 10:00 të së martës, sipas portalit brazilian të lajmeve G1.

Një paradë do të zhvillohet nëpër rrugët e Santos ku Pele luajti pjesën më të madhe të karrierës së tij përpara se të vendosej në Neë York.

Varrimi do të mbahet më 3 janar në Memorial Necropole Ecumenica.

Pele fitoi 10 tituj shteti dhe është në Librin e Rekordeve Guinness për 1,279 gola në 1,363 ndeshje.

Arritjet e “Mbretit të Futbollit” nuk kanë të krahasuar pasi Pele është i vetmi futbollist që ka ngritur Kupën e Botës tri herë në 1958, 1962 dhe 1970.

Pas