Ka shkuar në 60 numri i personave të vrarë në një përleshje të përgjakshme në një burg sot në qytetin brazilian, Manaus.
Lajmi është bërë i ditur nga një zyrtar i sigurisë i Brazilit për televizionin Globo.
Shefi i sigurisë në shtetin Amazonas, Sergio Fontes, ka thënë për Globo se druhet se ka më shumë të vdekur në burg, në rebelimin që filloi dje në mbrëmje, i shkaktuar nga një përleshje mes dy grupeve rivale të drogës.
Përleshja filloi dje në mbrëmje dhe vetëm sot në 7 të mëngjesit është vënë nën kontroll nga forcat e sigurisë, ka thënë Fontes.
Sipas gazetës “Em Tempo”, disa nga të vdekurit janë gjetur me koka të prera dhe trupat e tyre janë hedhur matanë murit të burgut.
