Shoferët brazilianë të kamionëve që mbështesin presidentin në largim Jair Bolsonaro kanë bllokuar rrugët në të gjithë vendin, pas humbjes së tij në votim ndaj rivalit të majtë Luiz Inácio Lula da Silvas.
BBC shkruan se, bllokime pati në të gjitha shtetet, përveç dy shteteve, duke shkaktuar probleme në furnizimin me ushqim të vendeve.
Me të gjitha votat e numëruara, Lula kishte 50.9% të votave të vlefshme kundër 49.1% të Bolsonaro në balotazhin e së dielës.
Presidenti aktual i ekstremit të djathtë as nuk e ka pranuar humbjen dhe as nuk ka sfiduar rezultatet që ndanë kombin.
Ka shqetësime se presidenti në largim mund të komplikojë periudhën dymujore të tranzicionit përpara se Lula da Silva, një ish-president, të betohet në 1 janar 2023.
Drejtuesit e kamionëve pro-Bolsonaro filluan të vendosnin postblloqe në të gjithë vendin menjëherë pas shpalljes së rezultateve të zgjedhjeve./Opinion.al
