Dhjetë persona vdiqën dhe dhjetëra u plagosën, kur një autobus turistik u përplas në një shtyllë autostrade në shtetin juglindor të Sao Paulos të Brazilit, thanë zyrtarët.
Aksidenti ka ndodhur në agim në rajonin Itapetininga.
“Kishte 52 të plagosur, nga të cilat 10 vdiqën në vendngjarje”, tha një zyrtar i Sekretariatit të Sigurisë Publike të Sao Paulos.
Të plagosurit u nxorën nga ekipet e shpëtimit dhe zjarrfikësit dhe u dërguan në tre spitale në Itapetininga dhe Sorocaba.
Pesë prej tyre kishin lëndime të rënda.
Autobusi goditi një shtyllë të autostradës, pasi drejtuesi i mjetit raportohet se ka humbur kontrollin e saj për shkak të një defekti mekanik./Opinion.al
