Aktualitet

Brataj kundër ASH, Sulcebe: Shiko ekspertizën shkencore para se të flasësh


Bëhu pjesë e Grupit Zyrtar të Opinion.al
>> KËTU <<
               Publikuar në : 12:25 - 10/01/21 |
Doriana Çepunaj

Një studim i realizuar nga Akademia e Shkencave tregonte se rreth 50% e popullsisë në Tiranë ka kaluar koronavirusin duke arritur deri diku në imunizimin e tufës.

Sipas kreut të Urgjencës Kombëtare, Skënder Brataj, ky studim nuk është i vërtetë. Në deklaratat e dhëna në media ai pretendon se shifra është thuajse sa gjysma.

Lidhur me këto deklarata të shefit të Urgjencës Kombëtare ka reaguar edhe profesori Genc Sulçebe. Përmes një postim në Facebook, imunologu shkruan se Brataj duhet të konsultojë ekspertizën shkencore përpara se të prononcohet publikisht, teksa sqaron se pse përqindja e pretenduar nga Brataj nuk është e saktë. “Dihet që Tirana, sipas të dhënave zyrtare të deritanishme, përbën gjysmën e rasteve me COVID-19 të gjithë Shqipërisë. Atëherë, ne zonat urbane te Tiranes duhet te jene deri tani te paktën 300 000 te infektuar nga COVID-19. Kjo vlere korrespondon dhe me shifrën afer 50% te seroprevalences se antitrupave anti SARS-CoV-2 qe nxori dhe studimi i Akademisë se Shkencave ne qytetin e Tiranës. Pra hamendja e Z. Brataj qe Tirana ka një përqindje infeksioni prej maksimum 25% është e gabuar.”

Reagimi i plotë i Prof. Sulçebe:

Te dashur miq,

Dëgjova me date 9 Janar 2021 prononcimin ne media te Zotit Brataj lidhur me studimin e Akademisë se Shkencave mbi seroprevalencen e infeksionit COVID-19 në qytetin e Tiranës.

Lidhur me këte studim, ne radhë të pare duhet vene ne pah dhe lavdëruar iniciativën e Akademisë se Shkencave qe ne kushtet e veshtìra te pandemise dhe me mundesi modeste financiare mundesoi realizimin e ketij studimi te vetem ne Shqiperi, i cili hedh drite objektivisht mbi shtrirjen e infeksionit COVID-19 ne qytetin e Tiranes.

Studimi i Akademise se Shkencave u realizua ne 2 faza dhe eshte programuar me parametra te rrepte shkencore. Dihet qe kriteret epidemiologjike dhe statistikore ne radhë të pare i vënë rendesi perzgjedhjes se duhur te kampionit perfaqesues te popullates se sa madhesise se ketij kampioni.

Kriteri kryesor ne te dy fazat ishte perzgjedhja e rastesishme e nje kampioni popullate qe te perfaqesoje sa me mire popullaten e moshave 20 deri 70 vjec qe jane perdorues te mbulimit shendetesor publik ne qendrat shendetesore te qytetit te Tiranes. Ne te dy fazat studimi u realizua me perzgjedhjen “random” te qytetareve nga regjistrat e kater qendrave shendetesore te Tiranes urbane qe mbulojne 258 000 banore.

Ne fazen e pare, ne fund te qershorit 2020 seroprevalenca e antitrupave IgG anti SARS-CoV-2 ne keto grup mosha rezultoi 6,4% ndersa ne fazen e dyte, ne fund te dhjetorit 2020 49,6%. Kampioni i popullates i selektuar ne kete menyre ne fazen e dyte ishte prej 818 individesh dhe ai perfaqeson me interval te besueshem sigurie popullaten e moshave 20 deri 70 vjec te zonave urbane te qytetit te Tiranes.

Me cuditi denigrimi krejt subjektiv qe Z. Brataj i ben ketij studimi. Ai nuk e pranon shifren e mesiperme per qytetin e Tiranes dhe thote, sigurisht vetem me hamendjen e tij, qe seroprevalenca e vertete ne qytetin e Tiranes eshte 20 deri 25%. Ketu ai i referohet dhe burimeve epidemiologjike nga SHBA te cilat konfirmojne qe prevalenca e vertete e infeksionit ne popullate eshte 10 here me e larte se sa numri i individeve te deklaruar zyrtarisht.

Pra, duke u nisur nga kjo reference e permendur nga vete Z. Brataj, dhe sic pohon dhe vete ai ne prononcimin e tij, ne qoftese numri i personave te deklaruar ne Shqiperi si te infektuar me COVID-19 deri tani eshte rreth 60 000 atehere numri real i individeve te infektuar duhet te jete ne fakt 600 0000 qe korrespondon me rreth 21 % te popullates shqiptare. Deri ketu ne jemi dakord me Z. Brataj, por persa i perket qytetit te Tiranes ai eshte krejt gabim pasi kjo perqindje nuk mund te jete e vlefshme per kryeqytetin.

Dihet qe Tirana, sipas te dhenave zyrtare te deritanishme, perben gjysmen e rasteve me COVID-19 te gjithe Shqiperise. Atehere, ne zonat urbane te Tiranes duhet te jene deri tani te pakten 300 000 te infektuar nga COVID-19. Kjo vlere korrespondon dhe me shifren afer 50% te seroprevalences se antitrupave anti SARS-CoV-2 qe nxori dhe studimi i Akademise se Shkencave ne qytetin e Tiranes. Pra hamendja e Z. Brataj qe Tirana ka nje perqindje infeksioni prej maksimum 25% eshte e gabuar.

Pergezoj pa dyshim punen e Z. Brataj per organizimin e Urgjences Mjekesore, por e ftoj ate te konsultoje ekspertizen shkencore perpara se te prononcohet publikisht per studime jashte fushes se tij operacionale./Opinion.al

 

 

Pas