Ditën e sotme ish-deputeti i LSI Nasip Naço njoftoi se do t’i bashkohej Partisë Socialise. Naço e cilësoi LSI një eksperiment politik, ndërsa shtoi se me PS do të përfaqësonte qytetarët.
Por, menjëherë pas largimit të Naços drejt PS, në media është publikuar një video ku shfaqet kryeministri Edi Rama, ish-ministri, Lefter Koka dhe deputeti Damian Gjiknuri.
Në këtë video Rama fton Naçon për një gotë verë, ndërsa thotë se nuk duhet të ketë frikë se e shpallin armik tek LSI. Rama e mbyll videon duke i thënë që ta ftojë ndonjë për të pirë raki skrapari.
Edi Rama: Po ku je mo Nasip, ku je mo burrë, kaq partiak je, sa nuk vjen as të pish një gotë verë? Se ti je dhe qytetar… pi njeriu një gotë verë… apo ke hall se të shpallin armik. Ti s’je shpallur akoma po në listë je për t’u shpallur për armik… shihe pak këtë shihe (tregon me telefon Damian Gjiknurin që qesh).
Hë mo fol ti…
Lefter Koka: Ky është pak kështu, nuk ka kurajo…
Edi Rama: Jo mo kurajo ka ky, por ka atë burrninë që do ta vrasin njëherë në mexhelis. O Nasip…
Lefter Koka: E ka vrarë Lona, i kanë thënë të vënë Elona Gurin para këtij…
Edi Rama: O Nasip, raki Skrapari vëlla, na fto ndonjë ditë, të jesh mirë, të përshëndesim vëlla./ Opinion.al
