Kryeministri Edi Rama ishte sot në Universitetin Politeknik për të biseduar me studentët rreth problematikave që ata kanë shtruar prej ditësh.
Edhe sot, ashtu si në takimet e tjera, Rama u gjend përballë një lumi kritikash nga studentët.
Një grup prej tyre u larguan në mes të takimit duke bojkotuar atë që ata e quajnë “monolog” dhe jo “dialog”.
Pasi një studente mori fjalën dhe me tone të larta u kërkoi të gjithëve atyre që e konsideronin një shfaqje takimin të braktisnin sallën, një pjesë prej tyre dolën.
Megjithatë ata nuk u larguan, por pritën deri sa takimi të përfundonte e kryeministri të dilte.
Menjëherë filluan brohorimat e studentëve që i kërkonin në kor: “Anulo ligjin”.
