Ish-zëvendëskryeministri Erion Braçe në një reagim të gjatë në rrjetet sociale shprehet se vettingu është interes jetik për shqiptarët prandaj duhet të çohet përpara. Sipas Braçes drejtësia e vjetër ende rrjep lëkurët e njerëzve të zakonshëm.
Braçe, i referohet kështu zgjatjes së afateve të komisioneve të KPA-së dhe KPK-së që u mbaron mandati në qershor të vitit që vjen.
PS ka nisur procedurën për zgjatjen e mandatit të komisioneve deri në përfundimin e kalimit të të gjithë prokurorëve dhe gjyqtarëve, por në Kuvend që të miratohet duhet shumicë e cilësuar. Kjo do të thotë se duhen votat e opozitës.
“Vettingu është interes publik, jetik! Drejtësia e vjetër ende rrjep lëkuret e njerëzve të zakonshëm! Na është kërkuar që të jemi të qete, te mos i përgjigjemi provokimeve, te mos hymë ne konflikt, lufte etj; po a mjafton kjo?
Ka një mendim te gabuar se Paqja vjen kur mbaron Lufta; ne fakt Paqja vjen kur ka Drejtësi.
#PARTIASOCIALISTE ka ndërmarrë Reformën më të madhe në 100 vite, më të mbështeturën ndër njerëz dhe që po arrin rezultatet e para, domethënëse, të qëndrueshme, kur po shemb një sistem që ka qenë fuqia përtej votës, demokracisë, qoftë e politikanëve hajdutë që kanë vjedhur duke vrarë e kanë vrarë për tu mbrojtur nga drejtësia, qoftë e një grushti biznesmenësh apo kriminelësh që synimin e fundit kanë të kthejnë në farsë çdo pushtet politik;
Është në nderin tonë – të rienergjizojme reformën në drejtësi, ta shtyjmë përpara në të njëjtën rrugë, duke e përmirësuar e përsosur, te çojme vetingun e prokuroreve e gjyqtareve deri tek i fundit, pa u tunduar, pa e negociuar, madje duke i mbajtur duart cilitdo që i fut atje prej nga duart e politikanëve, biznesmenëve e kriminelëve duhen larguar përfundimisht; ndërtimin e secilit institucion të drejtësisë së re sa më parë e deri në fund, për të qenë funksionale, efikase dhe e pastër për njerëzit; ndjekjen penale të çdo anëtari të atij sistemi që tani është jashtë por pafund i pasur në mënyrë të paligjshme.
Prej themelimit të shtetit, Ismail Qemali, Ahmet Zogu, Musolini, Enver Hoxha, Ramis Alia, Sali Berisha bënë DREJTËSINË E TYRE, dështuan të bëjnë drejtësinë e pavarur, të barabartë, funksionale e për këtë shkak të besueshme.
Drejtësia dhe një vend i drejte përmes saj, do jetë kontributi më i madh në 100 vite në këtë vend!”, shkruan Braçe.
