Deputeti i PS, Erion Braçe, po mban fjalën e tij në panelin e Kongresit të PS, ku u ndal te problemet në bujqësi.
Ai propozoi disa ndryshime për në bujqësi për të cilat tha se do të donte te ndante disa sygjerime pasi sipas tij ndryshe do të jetë vonë jo vetëm për PS por edhe për bujqësinë.
Braçe foli për një proces rimarje të rezervuarve të vegjël dhe përdorimin e tyre për vaditje. Plan kombëtar që mbron burimet ujorë nëntokësor nga puset, që sipas tij duhet një plan menaxhimi etj
Ndërkohë që gjatë kohës që Braçe po fliste për problematikat në këtë sektor, deputeti Arben Pëllumb i ka kërkuar kolegut që të flasë shkurt pasi ka edhe të tjerë që kërkojnë fjalën. Braçe ka replikuar duke thënë: Tani do që unë mos të flas, po kjo nuk ka ndodhur që nga 1990.
Replikat
Arben Pëllumbi: Të lutem, përmbylle se duan të flasin dhe të tjerë….
Erion Braçe: S’kam nevojë për lavdërime. Unë me thënë të drejtën dëgjova deri tani, i pranoj lavdërimet, po do dëgjoja disa sugjerim që duhet t’i marrim, se vitin tjetër do jetë vonë, për PS dhe për bujqësinë. Vitin tjetër do të jetë shumë vonë Ben, më beso. Ja ku i ke pyeti
Arben Pëllumbi: Po atë po bëjmë, atë po pyesim.
Erion Braçe: Tani do që unë mos të flas, po kjo nuk ka ndodhur që nga 1990. Bujqësi jo aq sa duhet e nevojitet dhe importe te shtrenjta të produkteve të gatshme që na vijnë nga Evropa e më gjerë e kjo është kriza jonë, këtë krizë ne duhet ta adresojmë për ta zgjidhur. Pandemia, lufta në lindje të Evropës do duhej të na kishte bërë të vetëdijshëm për nevojën jetike të fshatit, bujqësisë, blegtorisë, prodhimi vendas, fshatarëve ta themi troç se është përdorur me konotacion negativ ndërkohë që s’është turp të jesh nga fshati. S’ka ndodhur duhet ta pranojmë e nga unë i pari të pranojmë një nga arsyet e rëndësishme se ne kemi pak afrimitet me importet, madje dhe afrimitet klientelist dhe të lëndëve të para e produkteve te gatshme që vijnë nga importi. Është themelore kjo veçanërisht ndarja e tregtarëve të mëdhenj të lëndëve të para që çmimet e tyre po i vuajnë të gjithë që janë këtu sot./Opinion.al
