Zëvendëskryeministri Erion Braçe ka reaguar për grabitjen e djeshme në Rinas, duke thënë se është goditur një prej bandave më të rrezikshme në vend dhe është eliminuar drejtuesi i saj. Nëpërmjet një postimi në Instagram, Braçe thotë se në këto momente duhet mbështetur Policia e Shtetit.
“Gjithë mbështetjen për Policinë e Shtetit, burrat që u përballën dje me një nga bandat më të rrezikshme në vend dhe eliminuan drejtuesin e saj. Burrat që po hetojnë intensivisht dhe që kanë identifikuar çdo grabitës të përfshirë, burrat që janë në territor dhe vazhdojnë ndjekjen. Prioritet tani kapja e banditeve! Ndaj mbeshtetje per cdo oficer te policise te perfshire ne hetime e operacionin e panderprere ne terren!”, shkruan Braçe.
Ai paralajmëron se pas përfundimit të hetimeve për këtë ngjarje, do të nisë një analizë e plotë cenimin e sigurisë në aeroport.
“Pas kesaj, padiskutim analize e plote e cdo elementi qe ka cenuar rende sigurine nga bankat ne aeroport, masa te forta per cdokend!”, ka shkruar Braçe.
Gjatë ndjekjes së grabitësve, policia vrau njërin prej tyre, i cili dyshohet të jetë Admir Murataj. Ai është një emër i njohur për drejtësinë greke dhe atë shqiptare. Murataj dyshohet se ka organizuar edhe grabitjen e 3,8 milionë dollarëve më 3 dhjetor të vitit 2015 dhe 3,2 milionë eurove në 9 shkurt të vitit 2017 në rrugën e Rinasit./Opinion.al
