Zëvendëskryeministri Erion Braçe shprehet se nëse do të kthehen lojërat e fatit në vend do të largohet nga qeveria.
Në nje intervistë në RTSH, Braçe deklaroi se nuk ka asnjë diskutim në qeveri për hapjen e basteve ndërsa theksoi se ligji i vitit 2018 që lejon kazinotë në hotelet me 5 yje është në fuqi.
“Qeveria nuk ka asnjë diskutim për të hapur bastet. Ligji i 2018 është në fuqi dhe lejon kazinotë dhe jo lojërat e fatit. Kemi lejuar që këto kazino te jenë në hotele me 5 yje. Ligji i 2018 ka lënë vetëm këtë me kërkesë të ministrit të Ekonomisë së asaj kohe.
Vetëm këtu. Nuk di unë që qeveria të ketë diskutuar për këtë pikë. Nuk ka më kthim prapa. Sepse nëse do ketë kthim prapa unë nuk jam më në qeveri. Nuk i fal ata për atë shqetësim që më shkaktuan mua kur isha në Komisionin e Ekonomisë. Zonjat qëndruan deri në fund pavarësisht kërcënimeve”, tha Braçe. /Opinion.al
