Aktualitet

Braçe në komision: Tregu ynë është i deformuar, shoqatat funksionojnë si kartele


Bëhu pjesë e Grupit Zyrtar të Opinion.al
>> KËTU <<
               Publikuar në : 15:00 - 19/04/22 |
Opi Nion

Deputeti i PS, Erion Braçe në mbledhjen e zhvilluar sot në Komisionin e Ekonomisë tha se abuzimi me karburantin ndodh në të gjithë zinxhirin e transaksionit nga blerja në bursë deri tek konsumatori.

Sipas tij janë vetëm 2 kompani që importojnë në Shqipëri karburantet, dhe se shoqata e tyre funksionon si kartele në treg për të përcaktuar çmimet ne treg.

“Tregu ynë është i deformuar. Ka probleme të mëdha të konkurrencës. Janë evidente për sa kohë ne shkojmë dhe ndërtojmë një bord për të ndaluar abuzimin. Nga se vjen abuzimi. Nga mungesa e lirisë dhe e konkurrencës në treg.

Kemi shoqata që përcaktojnë çmime. Që funksionojnë si kartele në treg. Dhe ky është problemi që duhet të përballemi. Bordi nesër pasnesër mbaron lufta e përfundon funksionin e tij. Duhet të rregullojmë tregun. Unë nuk dua të caktojnë çmimin që dua unë.

Dua që çmimi të jetë i drejtë, të jetë produkt i kërkesës dhe ofertës. Shpenzimet e tyre janë ato që njihen nga ligji i procedurave tatimore. Referenca është vetëm ligjore. Kemi dy akte normative që ndryshojnë thelbësisht. Është rritur premio. Te akti i dytë e keni lënë të lirë, sa ta sjellin ata. Për fat të keq nuk ia tregojnë as doganës. Se e kanë në marrëveshje”, ka deklaruar Braçe.

Pas