Thyerja e rregullave për grumbullimet në kushtet e pandemisë, ka shkaktuar reagimin e Zv.Kryeministrit Erion Braçe.
Përmes një publikimi në rrjetet sociale Braçe e ka cilësuar kriminale mbajtjen e takimeve dhe grumbullimeve, ndërsa është shprehur se POlicia e Shtetit duhet të bëjë detyrën.
Braçe i është referuar një takimi të aktorit të humorit Ermal Mamaqi në Tiranë dhe një takimi në kreut të PD në Durrës Ferdinand Xhaferi, duke u shprehur se është neveritëse që ata shpërfillin çdo ligj.
“Ky eshte krim! Keta nuk jane ndryshe nga gjithkush! Sfida ndaj ligjit dhe rregullave te semundjes kur ajo eshte ne kulm, duhet te marre pergjigje ligjore shembullore! Ky i pari eshte Ferdinand Xhaferi ne Durres dhe Durresi cdo dite eshte i dyti per numrin e infektimeve; Ky i dyti eshte Ermal Mamaqi ne Tirane dhe Tirana cdo dite eshte e para per numrin e infektimeve; shihini; te dy ne ambjente te mbyllura, pa asnje maske te vetme, pa distance e afermendsh, pa higjene! Eshte kriminale, ne shkelje te plote te ligjit! Eshte sfiduese, arrogante! E padrejte per cilindo tjeter qe zbaton rregullat, cilindo qe infektohet prej tyre, humb jeten;
E padrejte per shkollat-universitetet, ceremonite mortore-te gjitha te mbyllura; E padrejte per kinemate, teatrot, pallatet e sportit, stadiumet-te gjitha te mbyllura. Ky krim me shendetin e njerezve duhet te marre fund! Policia nuk mund te bej sikur nuk sheh kur keta publikojne vete shkeljet e ligjit e mburren! Policia e Shtetit qe ngarkohet nga ligji te bej detyren pavaresisht emrave te ketyre, partive ku jane e ne emer te te cilave fryhen si kokoroca! Eshte neveritese qe shperfillin cdo ligj, bejne kete krim dhe pastaj pellasin: e kane gjendjen jashte kontrolli! Kontroll duan, kontroll do kene”, shkruan Braçe. Kujtojmë se pak ditë më parë, në media u bë publike edhe shkelja e rregullave nga vetë Zv.Ministrja e Shëndetësisë Mira Rakacolli gjatë një takimi me përfaqësues dhe simpatizantë të PS./Opinion.al
View this post on Instagram
