Deputeti i PS-së Erjon Braçe kërkon angazhimin maksimal nga qeveria për të zgjidhur pakënaqësitë e maturantëve duke i dhënë atyre degën e studimit sipas meritës e preferencës.
Nga foltorja e Kuvendit, ku e mbajti fjalën menjëherë pas Berishës, Braçe akuzoi edhe Berishën si njeriun e pandershëm dhe u bëri thirrje maturantëve të mos manipulohen nga ky njeri i cili nuk zgjidh problemin por thotë fajin e ka Rama.
Erjon Braçe: Sali Berisha nuk zgjidh hallin e ankthin e secilit maturant. Berisha ka vetëm një përgjigje e ka fajin Edi Rama. Kjo fjali nuk ju çon në shkollën e lartë. Kjo fjali e thënë nga Berisha, Topalli e Grida Duma, (si paketë shtesë) nuk ju zgjidh hallin.
Ai është i pandershëm dhe ju gënjen. Universitetet private janë produkt i tij biznesi. Një biznes që ka konkuruar me pa të drejtë universitetet publike në këtë vend. Berisha është klienti i drejtëpërdrejtë i universiteteve private. (Braçe tregon foto të promovimit të librit të mbesë së Berishës në UET) .
Në atë universitet që na akuzon ne sot se kemi shkaktuar këtë problematikë për të cuar paratë atje. Prandaj Berisha nuk meriton as të shkruhet as të dëgjohet dhe as të besohet.
Thënë këtë më duhet ti bashkohem zërit që kërkon angazhim maksimal nga qeveria e Shqipërisë, angazhim maksimal nga MAS dhe cdo rektor i zgjedhur në një palë zgjedhje ku ne as nuk ishim palë, as pjesë dhe as ndikuam, (Por përkundrazi zotëria u bë palë) për ti dhënë përgjigje përfundimtare çdo maturanti që ka aplikuar për të ndjekur studimet e larta në ato universitete
Është e turpshme dhe e neveritshme që Berisha të vijë këtu, apo Basha nga Dibra dje, me një fakt që e ka një fund punë ditësh.
Regjistrohen ata që kanë fituar dhe nis procesi ata që janë poshtë tyre. Kujtoni verën e vjetshme. Cili sistem ishte, a nuk ishte sistem i Sali Berishës? Të njëjtat telefonata në secilën prej deputevëve e deri në Ministrinë e Arsimit? Po ai ishte.
Në këtë pikë duhet vetëm angazhim maksimal. Nuk kemi luksin të gjykojmë popullin.
Nuk kemi luksin të gjykojmë asnjë nga ata që kanë aplikuar e sot janë në hall. Kemi detyrimin ti shërbejmë seicilit prej tyre, për më tepër në këtë moshë që janë me qëllim që të marrë atë që i takon sipas sistemit, meritës e preferencës.
