Trajneri i Gjermanisë, Joachim Löw është trajneri më i paguar në Botërorin ‘Rusi 2018’.
“Zoomin TV” ka publikuar pagat e 32 trajnerëve që do të marrin pjesë në këtë kompedicion.
Trajneri më i paguar i Botërorit rezulton Joachim Löw me një pagë prej rreth 3.8 milionë eurosh, i ndjekur në vendin e dytë nga trajneri i Brazilit, Tite dhe në vendin e tretë nga trajneri i Francës, Didier Deschamps, të cilët kanë një pagë të njëjtë, rreth 3.4 milionë euro.
Në vendin e katërt ndodhet trajneri i Spanjës, Julen Lopetegui, me një pagë prej 2.9 milionë eurosh dhe në vendin e pestë, ai i Rusisë, Stanislav Cherchesov, me 2.5 milionë euro.
Pas tyre vijnë Fernando Santos i Portugalisë, Carlos Queiroz i Iranit, Gareth Southgate i Anglisë, Jorge Sampaoli i Argjentinës dhe Oscar Tabarez i Uruguajit që renditet në vendin e dhjetë të trajnerëve më të paguar të Botërorit.
