FIFA ka miratuar formatin e ri të Botërorit të Klubeve, që do të nisë të zbatohet në vitin 2021. Në këtë turne do të marrin pjesë 24 klube dhe do të zhvillohet një herë në katër vjet. Ky Botëror i Klubeve do të zëvendësojë Kupën e Konfederatave.
Vendimi është marrë kundër dëshirës së klubeve më prestigjioze europiane, të cilat kanë kërcënuar me bojkot.
“Jam shumë i lumtur që këshilli mori vendimin për një Botëror të ri Klubesh që do të nisë të zhvillohet nga viti 2021. Mendoj se nga 17 qershori deri në 4 korrik të 2021, bota do të shohë një Botëror të vërtetë Klubesh, eveniment ku do të përballen skuadrat më të mira për të fituar kurorën e kampiones së botës”, tha presidenti i FIFA-s, Gianni Infantino./Opinion.al
