Pas aksidentit fatal të së premtes, një tjetër aksident me pasojë vdekjen e pilotit dhe asistentit të tij ka ndodhur në sportin e Rally.
Gjatë turit spanjoll të “Villa de Tineo”, Julio Cesar Castrillo dhe Francisco Javier Alvarez nuk mundën të shmangnin përplasjen me një pemë pasi dolën nga rruga me Citroenin e tyre DS3 N5, me goditjen që rezultoi fatale për ta.
Pas këtij episodi, kampionati i Rally-t u pezullua ndërsa kujtojmë se në turneun e Villa de Tineo janë regjistruar plot 86 makina, të cilat janë në pritje të një tjetër komunikate për të vijuar garën.
Ndërkohë, Federata e Automobilizmit i ka ofruar ndihmë familjarëve dhe shokëve të dy viktimave në këtë moment të vështirë që po kalojnë.
Kujtojmë një tjetër ngjarje të njëjtë, të ndodhur ditën e premte, ku gjatë një seancë stërvitore, piloti 33-vjeçar Craig Breen së bashku me ndihmësin e tij, James Fulton u përfshinë në një incident të cilit piloti irlandez nuk arriti t’i mbijetonte.
Ndalesa kroate është parashikuar në kalendarin e Kupës së Botës për sezonin 20-23. 33-vjeçari ishte bashkuar me skuadrën Hyndai në fillim të këtij sezoni pasi u rendit në vendin e dytë të ndalesës së Suedisë duke barazuar edhe rekordin e tij personal./Opinion.al
