Kupa e Botës 2030 do të organizohet në gjashtë vende të ndryshme në tre kontinente, ndryshim ky i zyrtarizuar nga FIFA dhe që do hyjë në funksion për 100-vjetorin e turneut.
Duke përfituar nga festimi i 100-vjetorit të turneut (që filloi në vitin 1930, në Uruguaj), tri ndeshjet e para do të zhvillohen në Amerikën e Jugut (Uruguaj, Argjentinë dhe Paraguaj) dhe pjesa tjetër do të ndahet midis tri vendeve që hodhën kandidaturën e përbashkët për Kupën e Botës: Portugali, Spanjë dhe Marok.
FIFA arriti një marrëveshje të mërkurën midis liderëve kontinental të futbollit për të pranuar vetëm një kandidat për organizimin e turneut 2030 në gjashtë vende, tha organi drejtues i sportit.
Në një deklaratë të publikuar në faqen e internetit të FIFA-s, presidenti Gianni Infantino deklaroi: “E para nga këto tri ndeshje sigurisht që do të luhet në stadiumin ku filloi gjithçka. Në stadiumin mitik “Centenário”, pikërisht për të festuar 100-vjetorin e Botërorit të Futbollit.”
Botërori 2030, ashtu si Botërori 2026, do të luhet me 48 ekipe dhe do të ketë 104 ndeshje.
Portugalia, Spanja, Maroku, Argjentina, Paraguai dhe Uruguai tashmë janë të garantuara në turne./Opinion.al
