Teksa bota është në ankth nga koronavirusi, Koreja e Jugut vijon provokimet për të ritreguar aftësitë ushtarake dhe për të “kërkuar vëmendjen” e munguar nga Covid-19.
Kështu, ushtria ka bërë me dije se ka lëshuar dy raketa balistike me rreze të shkurtër në Detin e Japonisë, në orët e para të së shtunës.
Nga ana tjetër, Shefi i Shtabit të Koresë së Jugut tha të shtunën se po monitoronte situatën, në rast se do të kishte të tjera raketa nga Veriu.
Ai i përshkroi veprimet si “jashtëzakonisht të papërshtatshme”, në një kohë kur bota është përfshirë nga pandemia e Covid-19. Deri tani, nuk ka asnjë rast të konfirmuar me koronavirus në Korenë e Veriut, megjithëse disa ekspertë kanë hedhur dyshime mbi këtë.
Kujtojmë se lideri i Koresë së Veriut, Kim Jong-un deklaroi në muajin dhjetor se shumë shpejt do të lançojë një armë të re, teksa ka shprehur zemërim për mungesën e përparimit në bisedimet me Uashingtonin.
Kim, është takuar deri më tani tri herë me Trumpin mirëpo bisedimet nuk kanë pasur rezultat. Ai ka kërkuar ulje të madhe të sanksioneve amerikane në këmbim të pezullimit të një pjese të programit bërthamor./Opinion.al
