Shkencëtarët kanë vënë alarmin dhe janë të shqetësuar për përhapjen e shpejtë të malaries që ka mbërthyer jug-lindjen e Azisë. Sipas shkencëtarëve “super malaria” po kthehet në një kërcënim për gjithë globin sepse ilaçet nuk japin efekt.
Shkencëtarët paralajmërojnë duke thënë se paraziti i rrezikshëm i malaries nuk po vritet me ilaçet e krijuara deri tani kundër tij. Sëmundja ka shkuar në Kamboxhia, por që atëherë është përhapur përmes pjesëve të Tajlandës, Laosit dhe ka mbërritur në Vietnamin Jugor.
Profesor Arjen Dondorp tha për BBC: “Ne mendojmë se është një kërcënim serioz. Është alarmante se kjo sëmundje po përhapet kaq shpejt në gjithë rajonin dhe kemi frikë se mund të përhapet në të gjithë globin, nëse ndodh kjo do ishte katastrofë”.
Rreth 212 milionë njerëz infektohen nga malaria çdo vit. Ajo shkaktohet nga një parazit i cili transmetohet nga mushkonjat dhe është shkaktari kryesor për vdekjen e shumë fëmijëve. Janë pikërisht mushkonjat të cilat cila thith gjakun e njerëzve, ndërkohë që gjaku që mbart mund të jetë i ndonjë kafshe apo njeriu të infektuar. Mushkonja është vrasës i madh. Trajtimi i parë është me ‘artemisinina’ në kombinimi me ‘piperaquine’.
Por, meqë ‘artemisinina’ është bërë më pak efektive, paraziti tani ka evoluar për t’i rezistuar edhe piperaquinës. Michael Cheë, nga organizata bamirëse kërkimore mjekësore “Wellcome Trust”, tha: Përhapja e këtij vrasësi, rezistente ndaj ilaçeve më efektive që kemi, është alarmante dhe ndikon për shëndetin publik global. Rreth 700,000 njerëz në vit vdesin nga infeksionet rezistente ndaj ilaçet, duke përfshirë malarien. /Opinion.al
