Ka ndërruar jetën në moshën 85-vjeçare stilisti legjendar me famë botërore Karl Lagerfeld. Stilisti njihet si një ikonë mode gjithashtu edhe fotograf e ilustrues. 85-vjeçari ishte drejtor kreativ i shtëpisë së modës “Chanel” për vite me radhë.
Lagerfield është i njohur edhe për krijimin e koleksioneve të ndryshme të veshjeve për markën “Fendi”. Mësohet se ikona e modës ishte prej javësh i sëmurë dhe për këtë arsye nuk mori pjesë në shumë aktivitete mode në këtë periudhë. Sipas mediave franceze ai ndërroi jetë në Paris. Emri i tij i vërtetë ishte Karl Otto Lagerfeldt dhe lindi në Gjermani në vitin 1933.
Pas disa kohësh ai e ndërroi mbiemrin e tij original në “Lagerfeld” pasi i dukej më tepër komercial. Emigroi në Paris kur ishte adoleshent dhe nisi punë si asistent i stilistit Pierre Balmain. Më pas nisi të punojë për marka si Fendi dhe Chloe në vitet 60-të. Ai nisi një karrierë të gjatë me shtëpinë e modës “Chanel” në 1983 një dekadë pasi Coco Chanel kishte ndërruar jetë./Xh.K/Opinion.al/
