Një 35-vjeçar është vënë në pranga ndërsa është shpallur në kërkim vëllai i tij pasi kanë mbajtur peng një biznesmen për dy orë dhe e kanë dhunuar pasi ky i fundit nuk iu kishte paguar borxhin e dhënë.
Efektivët e policisë, pas njoftimit se një shtetas ishte marrë me forcë nga 2 shtetas të tjerë, nga vendparkimi i një lokali në Kombinat, kanë organizuar punën për kapjen e autorëve.
Uniformat blu identifikuan dy vëllezërit Alban Bejo dhe Fatmir Bejo, të cilët në Kombinat, morwn me forcë shtetasin Gjergji Fela. Fela është biznesmen në fushën e ndërtimit.
Ndërkaq policia njofton se ka rënë në pranga Alban Bejo ndërsa Fatmir Bejo ëshë në kërkim. Dy vëllezërit pretëndojnë se Gjergj Fela iu ka një borxh prej 25 mijë eurosh.
Po ashtu mësohet se Alban Bejo dhe Fatmir Bejo rezultojnë me precedentë penalë në organizimin e lotarive të paligjshme të lojrave të fatit, por edhe në vepra të tjera penale në fushën e krimit ekonomik.
